ແຫຼ່ງທ່ອງທ່ຽວ.
1)
ຫມູ່ເກາະຕົ້ນປາມ (Palm Island).
ຫມູ່ເກາະຕົ້ນປາມເປັນໂຄງການກໍ່ສ້າງຈຳລອງບໍລິເວນອ່າວເກາະເປີເຊຍ.
ແຕ່ລະເກາະຈະມີລັກສະນະຮູບຮ່າງຄືກັບຕົ້ນປາມ ໂດຍພື້ນທີ່ທີ່ຈະຈັດເປັນທີ່ຢູ່ ແລະ
ພັດທະນາໃຫ້ເປັນໜຶ່ງໃນໂຄງການຈະມີການສ້າງເກາະທັງຫມົດເຊິ່ງມີ 3 ເກາະ.
2)
ທ່າເຮືອ Dubai Creek.
ທ່າເຮືອແຫ່ງນີ້ເປັນຈຸດຊົມທິວທັດ
ມີລັກສະນະເປັນທ່າເຮືອທີ່ຕັດຜ່ານໃຈກາງເມືອງເຊິ່ງເປັນສູນລວມ, ເປັນບ່ອນຊຸມຊົນໃນດູໄບ. ທ່າເຮືອນີ້ເປັນສະຖານທີ່ເໝາະສົມສຳລັບການເດີນຫລິ້ນຊົມທິວທັດທີ່ງົດງາມແລ້ວຈະເຮັດໃຫ້ຮູ້ສຶກສົດຊື່ນ,
ປະທັບໃຈກັບພາບຄວາມສວຍງາມທັງສອງຟາກຝັ່ງໂດຍສະເພາະແມ່ນພາບນົກນາງນວນຫຼາຍຮ້ອຍຕົວບິນຜ່ານ.
ເຮືອສັ້ນ ຫຼື ເອີ້ນວ່າ ເຮືອເດົາ Dhow ມີລັກສະນະເປັນເຮືອໃບເສົາດຽວທີ່ຊາວອາຣັບໃຊ້ເປັນພາຫະນະທີ່ແລ່ນຜ່ານໄປມາ.
ທ່ານສາມາດລ່ອງເຮືອຂ້າມຟາກເພື່ອຊື່ນຊົມຄວາມງາມຂອງສອງຝັ່ງ ໂດຍສະເພາະເຂດໂຮງແຮມ
ຄອນທິເນັນໃນຝັ່ງ Deira ແລະ ຂ້າມກັບເຂດ Bur Dubai ທີ່ສາມາດແນມເຫັນພາບຄວາມສວຍງາມໄດ້ຊັດເຈນທີ່ສຸດ
ເຊິ່ງເຂດນັ້ນເປັນເຂດນ້ຳເລິກໆ ຫາກເຮົາລ່ອງເຮືອໄປຈົນສຸດປາຍອ່າວ
ເຮົາຈະສາມາດເຫັນທະເລສາບເທິງເກາະຫີນປະກາລັງຂະໜາດໃຫຍ່ ແລະ ເປັນທີ່ຕື່ນເຕັ້ນ.
ປັດຈຸບັນ ເຂດດັ່ງກ່າວໄດ້ກາຍເປັນທີ່ພັກເຊົາຂອງສັດ
ໂດຍສະເພາະນົກທີ່ຢູ່ໃນລະດູໜາວຈະມາຕັ້ງຫຼັກແຫ່ງໃນເວລາດຽວກັນເຖິງ 27,000 ໂຕ
ສ່ວນຫຼາຍຈະເປັນນົກຟຣາມິງໂກໃຫຍ່.
3)
Dubai Aquarium.
ໜຶ່ງໃນສະຖານທີ່ທ່ອງທ່ຽວທີ່ຂຶ້ນຊື່ຂອງເມືອງດູໄບຄືພິພິທະພັນຫໍສັດນ້ຳທີ່ຖືກບັນຈຸໃສ່ຕູ້ແກ້ວ.
ພາຍໃນນັ້ນແມ່ນຈະມີສັດທະເລຫຼາຍສາຍພັນ ລວມເປັນ 140 ກວ່າຊະນິດ.
ຕູ້ແກ້ວດັ່ງກ່າວເປັນຕູ້ແກ້ວທີ່ຕັ້ງຢູ່ເມືອງດ້ານລຸ່ມຂອງດູໄບ (Dubai Mall) ຖ້າຫາກວ່າທ່ານເຂົ້າມາໃນສວນສັດອຸໂມງໃຕ້ນ້ຳທ່ານກໍສາມາດຢ່າງເລາະຊົມສວນສັດໃຕ້ນ້ຳທີ່ອະລັງການຕາ.
ຢູ່ພາຍໃນສວນສັດໃຕ້ນ້ຳນັ້ນຈະມີກິດຈະກຳຫຼາຍຢ່າງທີ່ທ່ານສາມາດເຫັນໄດ້ກ່ຽວກັບຊີວິດໃນທະເລ.
ສຳລັບກິດຈະກຳທີ່ນິຍົມຈະເປັນການດຳນ້ຳເບິ່ງປະກາຣັງ ແລະ ດຳນ້ຳເບິ່ງສະຫຼາມ. ນອກຈາກນີ້ ກໍຍັງມີກິດຈະກຳຫຼາຍອັນທີ່ໜ້າສົນໃຈ.
4)
Bastakiya (Old
Dubai)
ສະຖານທີ່ນີ້ຖືກສ້າງຂຶ້ນໃນຊ່ວງປາຍສະຕະວັດ
ທີ 19 ເຊິ່ງເຄີຍເປັນບ້ານເກົ່າຂອງພໍ່ຄ້າຊາວເປີເຊຍທີ່ຮັ່ງມີ.
ການຄ້າຂາຍທີ່ນິຍົມໃນຕອນນັ້ນຈະເປັນໄຂ່ມຸກ, ຜ້າແພທີ່ທໍດ້ວຍມືທີ່ງົດງາມ. ບ້ານ Bastakiya ໃກ້ກັບບໍລິເວນຂອງ
Bur Dubai ຕາມລຳຫ້ວຍປະກາຣັງ.
ພາຍໃນນັ້ນມີສະຖາປັດຕະຍະກຳ
ຂອງປະເທດອາຣາເບຍທີ່ແຕກຕ່າງກັນ ລວມມີຕຶກທີ່ສູງຫຼາຍຊັ້ນ ເຊິ່ງເປັນຕຶກທີ່ມີອາຍຸເກົ່າແກ່ຂອງດູໄບ.
ໃນເຂດນັ້ນທ່ານສາມາດພົບກັບເອກະລັກຫຼາຍຢ່າງເຊັ່ນ: ຮູບພາບເກົ່າແກ່,
ມີເຄື່ອງປັ້ນດິນເຜົາ, ເຄື່ອງເຟີນິເຈີ ແລະ ຫ້ອງສະແດງພາບຕ່າງໆ
ທີ່ລວມມີສິລະປະທີ່ເປັນແບບປະສົມປະສານ.
ແຫຼ່ງອ້າງອີງ: Planet Ware
ວັດທະນະທຳ
ປະເທດສະຫະລັດອາຣັບເອມິເຣດນັ້ນແມ່ນມີຊື່ສຽງ ແລະ ຮູ້ຈັກການຫຼາຍໃນເລື່ອງມາລະຍາດ, ໂດຍສະເພາະແມ່ນການສະແດງອອກຕໍ່ຝ່າຍກົງກັນຂ້າມ. ດັ່ງນັ້ນ, ມັນຈຶ່ງສຳຄັນສຳລັບຜູ້ທີ່ຈະເຂົ້າໄປໄປທ່ອງທ່ຽວທີ່ຈະຕ້ອງໄດ້ເຮັດໃຫ້ຄືເຂົາເຈົ້າ. ໃນສະຖານະການທີ່ເປັນທາງການນັ້ນ, ເຈົ້າອາດຈະຖືກທັກທາຍດ້ວຍຄຳເວົ້າທີ່ວ່າ “Salaam aleikum”, ທີ່ມີຄວາມໝາຍວ່າ “ໃຫ້ຄວາມສະຫງົບບັງເກີດແກ່ທ່ານ.” ຄຳຕອບທີ່ເໝາະສົມກໍຈະເປັນການເວົ້າກັບໄປວ່າ “Aleikum assalaam”, ທີ່ໝາຍຄວາມວ່າ“ເຈົ້າກໍເຊັ່ນກັນ.”
ຖ້າທຳຄວາມຮູ້ຈັກກັນໃຫມ່ ເຈົ້າຄວນຈະທຳຄວາມຮູ້ຈັກກັບຜູ້ຊາຍໃນຫ້ອງທັງໝົດ, ເຊິ່ງແນ່ນອນຕ້ອງໃຫ້ຄວາມສຳຄັນນຳຜູ້ຮັບແຂກກ່ອນ. ສຳລັບການທັກທາຍຂອງຜູ້ຊາຍນັ້ນ, ການຈັບມືກັນເປັນສິ່ງທີ່ເຮັດກັນເລື້ອຍໆ. ເຖິງວ່າການຈັບມືໃຫ້ແໜ້ນໆ ນັ້ນເປັນສິ່ງທີ່ສະແດງໃຫ້ເຫັນເຖິງລະດັບຄວາມມີໄມຕີຈິດທີ່ດີໃນຂົງເຂດຕາເວັນຕົກ, ແຕ່ໃນສະຫະລັດອາຣັບເອມິເຣດແລ້ວ ການຈັບມືກັນຈະນຸ່ມນວນກວ່າ.
ການຍືນມືອອກໄປຈັບແບບໄວໆ ແລະ ໃຊ້ສາຍຕາພ້ອມດ້ວຍຮອຍຍິ້ມເທິງໃບຫນ້ານັ້ນເປັນການຈັບມືທີ່ດີ. ຜູ້ຊາຍບໍ່ຄວນຈະຈັບມືນຳຜູ້ຍິງ ນອກຈາກວ່າຜູ້ຍິງຈະເລີ່ມຈັບມືນຳເຈົ້າກ່ອນ. ໃນສະຖານະການທີ່ຜ່ອນຄາຍຫຼາຍໆ ນັ້ນ, ຜູ້ຍິງອາດຈະຈູບແກ້ມກັນ.
ວັດທະນະທຳຂອງປະຊາຊົນຊາວເອມິເຣດແມ່ນໄດ້ເນັ້ນໃສ່ຄວາມມີມາລະຍາດ ແລະ ການສະແດງຄວາມສຸພາບຮຽບຮ້ອຍ. ເມື່ອໃດທີ່ມີປະຊຸມແມ່ນຕ້ອງໄດ້ມາທັນກ່ອນເວລາ ເຊິ່ງໃນຈຸດນີ້ແມ່ນຖືເປັນສິ່ງທີ່ດີ ເພາະຄົນເອມິເຣດຈະມັກມາກ່ອນເວລານັດສະເໝີເພື່ອສະແດງໃຫ້ເຫັນເຖິງຄວາມເຄົາລົບກັນ ແລະ ກັນ.
ຖ້າທຳຄວາມຮູ້ຈັກກັບຜູ້ໃຫຍ່ ຫຼື ໃຜກໍຕາມເປັນເທື່ອທຳອິດ ຊາວເອມິເຣດມັກຈະສະເໜີເອົາອາຫານເບົາ ຫຼື ເຄື່ອງດື່ມໃຫ້ກິນ ບໍ່ວ່າຈະຢູ່ບ້ານ, ສຳນັກງານເຮັດວຽກຕ່າງໆ. ໂດຍທຳມະດາແລ້ວ ສິ່ງເຫຼົ່ານີ້ຈະເປັນປະເພດເຄື່ອງຕາເວັນຕົກ ເຊັ່ນ: ຊາ ຫຼື ກາເຟ. ເຖິງຢ່າງໃດກໍຕາມ, ເຂົາມັກຈະເສີບອາຫານປະເພດຫວານ, ຊາ ຫຼື ກາເຟຂອງອາຣັບແບບເບົາໆ ໃສ່ໝາກກາດາມອມ(Cardamom). ຖ້າເຈົ້າຖືກສະເໜີໃນສິ່ງເຫຼົ່ານີ້ ຈົ່ງຮັບເອົາ, ບໍ່ດັ່ງນັ້ນ ຈະຖືເປັນການບໍ່ມີມາລະຍາດ.
ການແຕ່ງກາຍຂອງຊາວເອມິເຣດແມ່ນສ່ວນໃຫຍ່ຈະໃສ່ເຄື່ອງທີ່ກາຍຫົວເຂົ່າ ໂດຍສະເພາະແມ່ນໃນເຂດສາທາລະນະ ຫຼື ຊ່ວງເວລາໃນພິທີສາສະໜາທີ່ສຳຄັນ.
ສຳລັບເລື່ອງການມີຮັກຮ່ວມເພດ ຫຼື ການມີຊູ້ຕ່າງໆນັ້ນແມ່ນຖືເປັນເລື່ອງຜິດກົດໝາຍ ແລະ ຄຸ່ຮັກທີ່ຍັງບໍ່ໄດ້ແຕ່ງງານກັນຈະບໍ່ຖືກອະນຸຍາດໃນນອນໃນຫ້ອງພັກດຽວກັນ ເຊິ່ງເລື່ອງແບບນີ້ເປັນເລື່ອງທຳມະດາຢູ່ແລ້ວ ແລະ ສ່ວນໃຫຍ່ກໍ່ໄດ້ບັງຄັບເກີນໄປ.
ເຄື່ອງດື່ມມຶນເມົາທີ່ມີແອລກໍຮໍ, ນັກທ່ອງທ່ຽວທີ່ບໍ່ໄດ້ນັບຖືສາສະໜາມຸດສະລິມສາມາດດື່ມຂອງມຶນເມົາໄດ້ຕາມຫ້າງຮ້ານ, ໂຮງແຮມ ແລະ ຮ້ານອາຫານ (ຍົກເວັ້ນເຂດຊາຈາ Sharjah). ນັກທ່ອງທ່ຽວສາມາດນຳເຂົ້າເຄື່ອງດື່ມມຶນເມົາໄດ້ປະມານລິດໜຶ່ງ, ແຕ່ຜູ້ທີ່ອາຍຸບໍ່ເຖິງ 20 ປີ ຈະບໍ່ສາມາດຊື້ເຫຼົ້າ ຫຼື ຍາສູບໄດ້. ສິ່ງທີ່ຜິດກົດໝາຍພາຍໃນປະເທດກໍຄືການດື່ມເຫຼົ້າ, ສູບຍາໃນເຂດສາທາລະນະ ຫຼື ໃນຊ່ວງຂອງງານຣາມະດັນ (Ramadan), ໃນມື້ຫຼັງງານວັນຊາດ ແມ່ນຈະຖືກໃຫ້ປິດຮ້ານໝົດ.
ປະເທດສະຫະລັດອາຣັບເອມິເຣດເປັນປະເທດທີ່ໃສ່ໃຈໃນການສະແດງອອກໃນເຂດສາທາລະນະ, ການຈັບມືຖືແຂນກັນແມ່ນທ່ານຈະຖືກປັບໄຫມ, ຈູບ ຈະບໍ່ຖືເປັນເລື່ອງທີ່ບໍ່ໃຫ້ຄວນເຄົາລົບ ແຕ່ເຈົ້າຈະຖືກຈັບເລີຍກໍວ່າໄດ້ຖ້າເຮັດແນວນັ້ນ. ຢາເສບຕິດ ແມ່ນເປັນສິ່ງທີ່ຫ້າມທີ່ສຸດ ແລະ ມັນສາມາດເຮັດໃຫ້ທ່ານຕົກຢູ່ໃນບັນຫາໃຫຍ່ໆໄດ້.
